309頒獎禮足本版!

星期日黎到寵物節頒獎禮現場,獎品經已排好晒.頒獎禮正式開始喇

(以下相片及video由各blog友提供,排名不分先後,Cash,旺旺,布旦,peipei)

而我地一家三口都係後台等緊上台前,旦媽幾經辛苦幫我地影底架.

當然唔小得我既啦啦隊,打頭陣既有煲呔旦,型仔呢!

仲有好香豔既大巴士.

大家姐peipei笑容咁燦爛,你都登我開心呢.

狗地既車隊排成一字,令當日九龍灣既交通水洩不通Yuki,Wing Wing你地既裝飾都好掂呀,旺旺好高興你都加入啦啦隊行烈呀.

葉波波同學你架車埋唔到位呀,咁唯有企係前座睇表演啦.

登...登...登...播出"最Talk之星"既得獎片段啦.

我都急不及待衝上台攞獎先.

乜唔係有野食架咩,整支咪過黎要我講得獎感受就係咁我成為左全場唯一一隻用咪接受訪問既狗狗啦.

跟住仲要我做Give Me Five,到底幾時先有得食架.

過五關之後終於我攞到我應得既野啦,就係呢車禮品.

台下既粉絲嗌得咁大聲,唔係諗住我落台搶我獎狀嘛,都係揸實d,隱陣d.

我諗諗吓都係坐著禮品車走安全d.

爸爸得未架,我要開車架啦,趕住下場呀.

記住睇埋video先走呀,頒獎禮片段片長3分39秒

頒獎禮經已完滿結束,多謝晒各啦啦隊及家長們,幫手影相又有video請留意下集之慶功宴X生日會,將於不日上映.

特別鳴謝篇！

３月９號星期日係我狗生以黎最開心最難忘同最攰既生日，由於當日要領獎,呀媽話我塊面太大,所以一早就帯左我去恤髮,跟住就到會場攞獎,接住再出席朋友仔們為我約好既生日會X慶功宴，返歸既時候經已係１２點幾，係樹要衷心多謝朋友艾菲及莎莉,用前後包抄幫我影相,仲有加菲係台下大聲吶喊助威，同埋最意想不到既肚屙男竟然幫我拍埋video整個過程都睇得番呀，好開心呢！所以我咁攰呀媽都要我”達”係架車上面道謝囉而呢架車就係我今次既獎品之一，入面仲有好多野呀．．．

而車入面仲有呢堆禮物．．．

除左以上既禮品，仲有朋友仔送我既禮物，而肥媽本來買比我慶功既狗狗香賓，果日唔記得開真係唔好意思喇狗地亦諗住下次出黎帯比大家試試．

首先多謝女麻女麻，２姑媽及叔叔，到場為我打氣仲買一大堆零食過我嘆，特別係２姑媽多謝你提名我參加是次比賽，旨意果兩個人我一定無運行啦

另外４摩家送我既噴霧同型女Look牛仔裙,好啱身呀多謝晒

仲有cash家送我既可愛兔仔披肩，呀媽話我好似帯左假髮咁呢

原來未攞番對耳仔出黎呢．多謝晒cash家

係我影相既時候，爸爸經已幫我掛好獎狀啦睇黎呢塊唔食得既野，對於兩老黎講真係好珍貴呢，但係計我話都係零食最實際

我得獎啦!

各位,早前小妹參加左十大寵物之星選舉,今日得到通知,我已經得獎喇

我獲選十大寵物之星,今個星期日會係九龍灣寵物節中頒獎,到時我有份領獎,星期日仲係我正日生日添到時見啦

林Bebe 向各位講多謝!(片長７秒）

係樹我衷心多謝我既助選團及有份投我一票既朋友仔們,係黎緊既呢一年,我會繼續"理"行我咁Talk得職務，多謝晒各位！

錦田鄉村俱樂部．

２月２４日我地相約一班朋友仔，齊齊黎到呢樹錦田鄉村俱樂部同２摩女雪雪＆柔柔賀壽．家長們點左盤菜，好多料架．．．．．．．

而我梗係要霸定個有利位置啦．

旦旦亦同我一樣坐定定等住食．

乖乖cash仔坐住係袋袋入面等爸媽食飽飽先同佢跑跑．

噹噹都係恰住眼訓咁乖乖等出去草地玩．

３摩女都一樣坐係袋袋入面．

而呢家咁為食既個個都望住個盤菜呀，除左peipei小姐．

唔使講更為食既我，更加比呀媽擺埋上檯添啦．

大人食飽飽就輪到狗地跑跑步，你地睇睇連我都有跑架．

２摩女就齊齊行孖必，２個一齊擰轉面幾齊心．

peipei小姐就自己一個慢慢行，散散步．

大巴士就企定定係樹做咩呢？

原來懶玩yuki四圍咬咬撩其他姐姐同佢玩，搞到wing wing全日都滕黎滕去．

cash仔跑完彭彭聲走番埋媽媽腳邊先．

旦旦跑到下巴仔都濕晒，仲自己走去搵水飲咁叻仔

咩樹佢三個眼神咁一致呢？

哦．．．原來玩到咁上下有人係樹派米．大家咪以為我低頭分唔到喎，其實我第一個輪到仲食緊添啦

而我輪完米緊係番黎搵番我部私家梳化坐坐先啦，熟我既朋友仔都知我只係得幾分鐘熱度渣嘛

雪雪＆柔柔：祝你地生日快樂身體健康！