星期日黎到寵物節頒獎禮現場,獎品經已排好晒.頒獎禮正式開始喇
(以下相片及video由各blog友提供,排名不分先後,Cash,旺旺,布旦,peipei)
而我地一家三口都係後台等緊上台前,旦媽幾經辛苦幫我地影底架.
當然唔小得我既啦啦隊,打頭陣既有煲呔旦,型仔呢!
仲有好香豔既大巴士.
大家姐peipei笑容咁燦爛,你都登我開心呢.
狗地既車隊排成一字,令當日九龍灣既交通水洩不通
Yuki,Wing Wing你地既裝飾都好掂呀,旺旺好高興你都加入啦啦隊行烈呀.
葉波波同學你架車埋唔到位呀,咁唯有企係前座睇表演啦.
登...登...登...播出"最Talk之星"既得獎片段啦.
我都急不及待衝上台攞獎先.
乜唔係有野食架咩,整支咪過黎要我講得獎感受
就係咁我成為左全場唯一一隻用咪接受訪問既狗狗啦.
跟住仲要我做Give Me Five,到底幾時先有得食架.
過五關之後終於我攞到我應得既野啦,就係呢車禮品.
台下既粉絲嗌得咁大聲,唔係諗住我落台搶我獎狀嘛,都係揸實d,隱陣d.
我諗諗吓都係坐著禮品車走安全d.
爸爸得未架,我要開車架啦,趕住下場呀.
記住睇埋video先走呀,頒獎禮片段片長3分39秒
頒獎禮經已完滿結束,多謝晒各啦啦隊及家長們,幫手影相又有video
請留意下集之慶功宴X生日會,將於不日上映.
沒有留言:
張貼留言