2010年10月23日
由於約10月中一個晚上,肥婆撇下禾自己去街街,當晚由暴龍爸爸餵禾食飯,飯後抹咀時唔小心擦傷了禾的左眼,當晚約9:00飛的帯禾到吳醫生樹睇睇,傷口好大,要用藥3日後再睇睇有無須要做手術,幸好3日後吳醫生說禾漸漸康復中,但個肥婆都係覺得再約周醫生睇睇隱陣d,經周醫生睇過大致上都可以用番吳醫生既藥再多一星期,今日再番黎周醫生樹睇埋再唔水再覆診呢!
等幾耐架？無心雞啦...
究竟仲要等到幾時呀？？？
(比原先預約了的時間再多等一小時以上)
2010年10月25日 星期一
2010年2月2日 星期二
拆線日.
1月30日
今日係禾既兩隻眼睛重見天日既大日子,所以爸爸媽媽一同陪伴禾到診所,始終聯起眼睛以後,爸媽都從未見過傷口,佢地怕料理禾傷口不妥當,可能有不潔物入眼會發炎,又可能有排斥,好多好多可能.....
結果,打開線口位眼睛一切安好,只係外觀有點難睇,但係呀媽話:只要還能活著,已經係福氣,什麼都不緊要了.
大家千其唔好以為係相片既紅眼效果,呀媽已經專登"簡"這張手機影得不太覺眼既相片上黎,事實上禾既眼球上的確多左塊像肉既物體,第一日睇落真係有點嚇人,因為傷口好紅,紅到像流緊血般,而眼球黑色既地方又好混濁,但係依家過左幾日啦,紅色既傷口已經再無咁紅,雖然眼球以後都睇到係修補過,但都希望傷口能夠陸續淺色,所以下次各位係街上撞到禾既朋友仔,一定會認得禾啦,希望沒有嚇到大家,太清楚既相片不會貼上來了,多謝各位既關心及問候
2010年1月16日 星期六
魔咒並未離開禾:( (注意:照片可能會令閣下不安)
相信好多朋友仔都係facebook上知道我最愛的林Bebe出事了,抱歉令各位空歡喜一場,由於我在14日晚上才公報bebe並未達至腎衰竭的喜訊後,不到一天又迅速地公報剛動好手術回來!!!這篇網誌會為我地作為醫療紀錄,所以會稍為詳盡,亦請閣下做好心理準備,因為照片可能會令閣下不安.
1月14日
晚上到診所聽取尿液報告回來,已發覺林bebe眼睛在眨眨吓,諗住明天起床後再作打算,對於她的眼仔,相信好多人亦知道她醫過不下幾十次了,現在還需定期回診所作檢查呢,上兩篇網誌提及過,在剛過去的1月9日才回過診所檢查,當時只是因天氣關係而引致眼睛有小許發炎,醫生還說幾日後就無事,如無意外不用回來覆診,只需3個月後再見.誰知晚上她不能入睡,整晚在扭計及在屋內踱步至天光,這是她9個年頭以來的首次,像是她要告知我們她身體有地方很不妥呢!!!
1月15日
早上我地一家3口一齊出門,由於我公司有事做今天不能請假,心想這又是小問題,應該都是眼角膜潰瘍(因她常常患上的)所以今次將由be爸出動帯她看醫生,我還在送他兩上車,說了聲下午見啦!回到公司9點半左右,我致電be爸,他跟我說姑娘不讓她看証,由於我地無booking,而醫生booking亦滿晒呢.be爸抱著小be頭在醫生房附近踱步,好讓見到醫生後,醫生終於答應一會兒看小be頭了.
10:30在公司工作的我,接到診所的來電,
醫生 : 你的狗狗眼睛穿了,情況好危急,一陣我會同佢做手術.
我 : 吓!!!..........點會咁架,我幾日前先比你睇過渣喎.........而且我擒晚先見佢開始眨...
醫生 : 眼睛潰瘍係可以引致細菌感染,而速度係可以快到一日之內破壞整個眼球.如果你肯依家比佢做手術既話,我有95%可以救番佢隻眼.
我 : 基本上你都係遁例話聲我聽唧,我諗我應該無考慮既餘地啦呵...
醫生 : 如果我係你,我唔會再考慮囉....
我 : 我早幾日先驗過血及整套身體檢查,x-ray片顯示我既狗狗心臟開始有發大跡象,我想問個手術會做幾耐架?我既狗狗頂唔頂得順呀?
醫生 : 手術會搵佢既眼球(唔記得咩部份)切小小落黎,補番落去佢潰瘍左既位置到,之後再繨起佢隻眼,為時45分鐘,我會再為佢心臟作檢查及睇番佢既x-ray片.
就係咁我答應左手術,而be爸亦一直未致電給我,我諗大概他的心情和我一樣都是像被插了幾刀那樣痛呢!直至我緊要的工作完了,我立即告假準備出去診所時,be爸叫我不用出去了,因為be頭已經被關起來,而且他亦不想be頭看到我後會加倍激動,我唯有唯命是從,掛線後又忍不住落淚了....
我回到家後,雖然擒晚整晚沒瞓好,但眼光光心慌慌的我選擇清潔be頭的床,被子及地方,好讓be頭回來後乾淨地養病.直止診所致電來說,別的診所其未將be的片及報告交來,於是我致電驗身的診所,求她們先放片及報告給周醫生,因為我的狗等著報告才可做手術呢,最終她們也通融我,順理放報告給周醫生.周醫生亦聯同心臟專科醫生檢查過片及be頭後,致電給我說,暫未發現她有心臟什音,x-ray片需看出心臟的形狀突出,但如果真的發到咁大,無可能從聽診方面完全聽唔到.我對這個答案從不覺得奇怪,因為自從有醫生診斷be心臟有什音後,我也先後找過4個醫生,而答案係2比2,即2個醫生話有什音,2個醫生話無什音,而我亦問過某醫生,點解有d話有,有d又話無架,佢地比我既答案係,心臟科好複雜,唔同地方讀醫既醫生會有唔同既解說,心臟什音級數亦會唔同.
就係咁我地一直在等bebe,得知她約5點進行手術,我焦急既情況愈黎愈嚴重,心想如果早收到電話,她今晚可以回來,但又怕醫生萬一出左咩事,提早打黎,如果遲打黎,即係手術成功,但又怕她今晚要留醫....結果,姑娘在6:15打黎,手術成功了約我在7:00接bebe回家.再聽聽醫生的手術情況及5日後要回去看看有無排斥,如不幸有排斥,將會進行第二次手術,一見到bebe,她在全身輕微振動,一張小咀落力地發出沙啞的聲音,取藥後我地一家3口回家了.
希望無嚇親大家,可愛教主...咩形象都無晒囉....
由於怕她未能適應,所以較暗燈光,全日最精神呢張相,有雞食...幾無力都撐起來.其餘時間都在躺著一動也不動呢!
手術後,回家只食了2條雞柳,不肯飲水及尿尿,直至半夜唔知幾點初次好努力起身想行去廁所尿尿,但不成功,行至廳中已無力趴低了,被爸爸救回她的床上,第2朝我醒來時發現她的廁所尿布上有好大篤尿尿,估計應該急左好耐同唔知行左幾耐先去到既廁所.
但願病魔真的不要再打擾我bebe了,可以嗎???因她的年紀一天比一天老下去,經已係連續第三年,一年一次的手術令我真的好害怕!!!
2010年1月14日 星期四
2010年1月10日 星期日
12月的魔咒.
1月9日
前年及大前年既12月呀be都發現腫瘤要接受手術,心想一準備踏入12月就驚定先了,幸好沒發現任何病症而平安渡過了,我說過要帯她玩番夠本,玩番前2年她都沒出動來補償她,那每3個月要覆診既眼睛,本來在12月要回去的,也改為1月份先去囉,點解???因為1月份要打預防針,那順便一次過身體檢查及覆診眼睛好了.
下午回到家接be頭,我已不太精神,有點咳嗽及傷風,好攰好攰,好想be爸代我帯她出去,但be爸要番工未能代我,唯有諗住快快出去趕快回來睡覺.
2點半出到去望一望周醫生樹好多人,那唯有先過隔離找吳醫生,諗住驗完血打埋針,才過去搵周醫生睇眼,誰知吳醫生那兒又係多人,咁唯有先掛號後又到周醫生處睇睇咩情況...
be頭在星期五晚眼睛開始有點紅及眨眨眼,那時我還對她說:你要頂住呀,聽日就見醫生喇!周醫生檢查後說她眼睛發炎,好輕微,只要每日滴2次眼藥水及暫時停止長期滴用既眼油約一星期就無事了.我如帯她考試般心想,哈...先過左一關...
原來只是惡夢既開始呢...我帯住她再到隔離街吳醫生樹驗血,後黎我再叫醫生照埋x-ray因害怕她生過的腫瘤可能有不好的細胞轉移及心臟的情況.所以我無無聊聊地走走等她出來,約一句鐘後,我回來接be頭時,醫生講解她的情況.
1) 先天性髖骨發育不全.
2)左心房開始發大.
3)嗜中性指數偏高及ALP酵素偏低.
熟悉be頭的朋友們都知道她由細到大,手腳都是軟軟的,像是沒有骨頭連接似的,所以髖骨問題,醫生大致叫我只可不準她跑,跳,行樓梯已經足夠,因為她沒明顯的痛楚.
一講到左心房發大,我還強裝鎮定地發問,情況暫時穩定,雜音需是升級了,但未有心臟衰竭的跡象,只要不給她吃咸及肥的東西,體重亦要盡量keep好.
ALP酵素=腸,骨或腎上線出現問題,我亦係因為見她近日好似尿多及水多,而額外驗的,但要進一步知道她是否早期腎衰竭,須取她的第一次尿尿來化驗,所以今日未能有答案.
而醫生講解到左心房發大時,姑娘特然抱了be頭出來,但我又未有即時抱她,因為我在記住醫生講既重點,及重覆又重覆地看她的x-ray片,她見到我後情緒又激動起來,姑娘無啦啦又在她見到我後幫她量血壓,血壓量出來是180,而正常狗狗應在150或以下,此時醫生說血壓這麼多要食降血壓藥啊,不然只會令心臟發大情況加劇,或是進一步令心臟衰竭加快.....
我聽了後還能夠忍著淚水說, 不會是吧!!!只是她看到我,但我又未能帯她回家,她緊張起來唧,醫生你可否再幫我關著她,待她沒那麼激動時才幫她多量一次呢?醫生答應了, 如是者,原本患病的我都精神起來,再在太平道一帯來來回回,一句半鐘後再回去,我已等待不及見醫生,就在接待處問了姑娘,好彩血量已降至140,那麼不需服藥,接了她後已經是晚上6點40分了....
1月10日
早上10點帯她尿尿後,我渾身無力,be爸叫我留在家休息,讓他帯尿出去給醫生,我說不能啊!因為昨天掛住聽她的心臟及腎出現問題及處理,原來我沒好好問到髖骨那方面呢!所以今日再去見醫生,原來醫生話昨天已告訴我了,只要不給她跑,跳及行樓梯就可以了,我又問醫生是否需要做針炙治療,他說不用啦,因為她不是疼痛而得出這結果,而是一般身體檢查後發現的先天性問題,我再問醫生介紹了補給品給她,但這只能保健,不好的地方是沒辦法修妥的,這時不知怎的眼淚終於流出來,不知道是一時間不能接受太多太多的病痛,或是我在想怎麼樣樣都是沒法好呢?心好痛...但亦明白始終要面對,要做既我既已做好!幸好,我對be頭想實現的一樣野,希望能如期順順利利開心快樂地進行.
在旺角行行吓都想暈了,趕快回家睇醫生,好彩惡運纏身的我不並不是豬流感,食左2次藥好好多了.期望這個12月效應的魔咒能盡快離開我呀be啦!!!
2008年12月30日 星期二
眼瘤切除康復篇.
上回講到手術後回家,唯一同上次手術唔同既係麻醉藥較重,整晚呆呆滯滯,連半點悲鳴都沒有....
呢粒就係今次要切除既元兇,咪睇佢細細粒,佢既生長速度驚人,亦由眼皮既中間位置移動出黎眼皮既底部.
吊過鹽水既小手,當晚記得影相,影相過後忘記拆去膠布.
爸媽在我手術前不斷重復提醒我,手術時瞓一陣好啦,瞓醒番黎整我最愛既魚魚比我當晚餐,另外加多兩條JELLY當甜品,可惜禾並沒太好胃口,只勉強食左魚魚,JELLY唯有存起記著數先.
今次既藥只有兩種,有抗生素加止痛,另外每日要滴眼藥膏.可能麻醉藥過重關係,導致我頭四日都"溫溫鄧鄧"仲試過躺狂梳化仔爸媽叫我都不應他們,要佢地走埋黎拍拍我先醒,嚇屎佢地呢
呢樽就係禾今年給爸媽既最後一樣驚....起.....,醫生話切除左禾四分一眼皮呢!白色圓型既就係禾既戰利品.
七日後我既眼仔消腫左好多喇,而聯針既地方都結起"蕉"黎.
到左平安夜佢地仲帯禾出街街食飯同埋甜品添!雖然禾無份食,但係幸慶禾仲有機會同爸媽一齊好平安貢渡過,甜品呀甜品....只要禾仲有雞會睇見你..聞到你..攬吓你..禾經已好滿足同感恩啦!
但願踏入2009新一年,禾同近來都有病在身既小朋友都健健康康,開心愉快永遠幸福貢渡過每一天
爸媽的感想
要大家擔心呀BE真不好意思!這小女孩近兩年由小病至大病,由大病至手術,起初真的令我們手足無措,但呀BE每一次既努力都令我們這一家堅強起黎,係佢教曉我要努力向前,同上一次有所不同既係我上次每日都只懂哭,而今次哭既次數只得兩次
期間仲強裝鎮定咁帯佢去街玩,參加其他小朋友既生日趴地,其實我們經已有最壞既打算係往後既日子呀BE既路都會幾難行,畢竟佢年紀開始大,問題亦會多起黎,如今我們只管同佢一齊得快樂時且快樂,無理由佢都唔怕,我地兩個會怕架嘛!期求上天,要佢病唔緊要,不要給她太多痛苦,我們都好感恩呀
2008年12月27日 星期六
1216眼瘤手術.
12月16日
"哈佬"大家好,多謝各位有心blog友常常慰問我既病況,依家就等我講番整個病情,早係11月16日本來我既眼睛係要覆診架,但因爸媽當日有要事辦,所以無帯我去見醫生,當日眼睛一切如常並無異樣,但到左11月17日右邊眼睛開始經常"斬斬眼"兩老仲以為又潰瘍了,因醫生會在11月20日至12月12日放大假,臨急臨忙無法預約,唯有等醫生番黎期間用住剩下來既眼膏試試啦,誰知幾日後發現原來眼皮下生了一粒誤以為係眼蒼既物體,上次試過生在眼皮上,醫生話會穿既,咁今次唯有試試等佢穿啦,12月8日左右,眼蒼位置向下移位而且生長速度加快仲大了一倍,反起眼皮經已見到並唔係眼蒼而係肉粒,媽媽不敢怠慢立即預約仲未放完大假回來既醫生,終於等到12月14日醫生確診為"眼粉瘤"今次連醫生都搖搖頭說: {典解小朋友你眼仔咁多問題呢,真可憐!}必須動手術還要快快做,否則"眼粉瘤"會整損眼角膜,就係咁兩老係臨帯我到醫院前仲氹我話影完相相帯我去街街.
但係佢地根本瞞唔到我,整個早上我都沒精打彩,好像知道眼仔將會有排痛咁.
在醫院等候期間,我更坐立不安,大叫大嚷中氣十足,仲想逃走添.(片長42秒)
由於要驗血先,而驗血報告顯示紅血球出左問題,搏鬥左大半日,爸媽回來接我時經已係晚上6點半了,動過手術既眼睛紅紅腫腫的,還哭至聲都沙埋幾可憐
幸好總算平安回家,而12月27日回到醫院覆診後,醫生亦話完全無問題,叫我三個月後先好去探去添!
其實仲有另外一篇網誌記錄著呀be呢次手術既情況,鑑於唔係個個都想睇到更深入既相片,所以唔係呢篇詳盡報導啦,例如"眼粉瘤"既肉照,傷口愈合情況等等...如有朋友仔想睇既話可留言給我,因為該篇網誌將會私有化(有興趣既朋友先睇到呀),我會在呢兩日更新呀,再一次多謝各位關心呀be既blog友們
2008年12月16日 星期二
2008年10月21日 星期二
1019眼睛覆診記.
10月19日
今個禮拜日依舊約左周醫生,醫生話禾潰瘍已經好番喇!而乾眼方面亦得到控制,淚水指數回升到20度以上,真係值得飲番杯呀!由於兩老唔肯比禾做手術,貢就keep住3個星期後再覆診,眼油照用,但呀媽話比醫生知,用左眼油後多左眼膠,醫生話可以減小次數啦.
因為又整親眼仔,所以兩星期無洗白白,一解放後就彭彭聲到suki姐姐樹沖番個靚涼先.
仲撞到今日個個客人都讚佢靚靚既細妹姐啊.
再一次多謝各方好友既問候,近呢一年黎禾睡覺時就係貢樣鍾意托住頭仔架啦,而近梳化柄既眼睛會慢慢貼近梳化柄,將眼球貼住,但其實禾覺豬時係"恰"埋眼仔,唔係大家想像貢打開雙眼呢!所以換梳化呢個都應該行唔通吧,因為禾總會搵到某樣野令禾可以托頭,真係無既,禾會將眼睛貼住地下咁囉,我覺豬仲要攬住個cushion係咪好似人貢好識嘆呢
2008年10月16日 星期四
醫生要我去整容!!!
10月12日
今日到周醫生樹覆診呀,本應在9月尾要番去覆診架啦,典知約極都約唔到時間,所以搞到遲到左2個禮拜,10月10日開始眼睛又有大細超情況出現,好彩啱啱約到醫生,只須捱多兩日,醫生診斷後,証實又係眼角膜潰瘍,又要口服又要滴藥.
醫生了解過禾既生活習慣後,(因禾睡覺時會將眼球貼在地上或椅柄)得出結論係....叫禾去整容!其實周醫生已經唔係第一個醫生提議禾要整容架啦,只係第一個醫生叫禾切去近鼻位既肉肉,而周醫生叫禾將眼部整細佢,兩老聽後,毫不猶疑地拒絕,佢地話寧願多帯禾黎醫生樹檢查,也不想禾動手術....
又係既....圓圓既大眼睛,像是禾既標記,大家不妨多看大眼睛既禾的照片,情況到無法控制下,禾驚兩老都不能不改變主意帯禾去整容呀!黎緊星期日再覆診,希望眼睛快快好番啦
2008年8月25日 星期一
乾眼症覆診記.
8月24日
自從眼仔唔C服以黎,禾每日都乖乖瞓係樹放定定比兩老滴藥,大家睇吓我既眼仔大番好多囉.
家吓連心情都好番好多了,夜晚仲要爸爸陪禾踢梨梨添,起初帯住喇叭玩唔到,好快就識得入後波用喇叭"不"起個梨梨啦,片長2分26秒.
今個星期日佢地又帯我黎呢樹見醫生呀,我唔開心到"鄒"晒尾頭貢囉
醫生話我既乾眼情況已經受到控制,但唔豬典解用左眼膏既眼睛有生左一粒眼蒼,今次用多一支藥膏睇睇可唔可以消除眼蒼,如一個月後未能消除而惡化落去,醫生建議要做手術切除,噢賣吉
見完醫生,媽媽話我終於可以停止食左成個月既口服藥,佢要叫條熱狗賀一賀佢喎
飲過下午
我地三個就番公公婆婆樹食"顛拿"順便探吓妹妹婆婆嘛,食飽飽之後狗地仲一齊落街街散步添呀.多謝各位既問候,家吓好番好多啦,就快可以蒲街囉喂!
2008年8月14日 星期四
乾眼症.
8月14日
首先多謝各位朋友仔既問候雖然8月11日我已經睇左醫生,由於要預約關係,今早我亦到訪過由網友推介既周醫生處診症.醫生細心地為我檢查後,第一句說話係: 恭喜你地,呀Be兩隻眼都仲睇到野既.一般正常狗狗既淚水係15度以上,而我檢驗後只得13度,即係症實患上乾眼症,所以導致我成日有眼角膜潰瘍,雖然係早期患上既乾眼症,一旦有左呢個病亦係只可控制,不會痊癒既,即係話我既狗生又多一瓣永久跟身既病啦!
經過上次做手術後,我非常抗拒進入診所,今早o係診所樹爸爸抱我坐係較遠登記處,媽媽同我登記時,姑娘聽見我發出ee蛾蛾既怪聲而又未望清楚我,仲問媽媽呀be係猫定係狗黎呢?
診所裹坐立不安,ee蛾蛾誤被當作猫隻既呀be,片長27秒.
爸爸見我坐立不安,試一試擺我坐獨立包廂,你地睇見嗎?我個咀仔不停講緊野咁.
坐著獨立包廂,見唔到其他人同狗狗,我都稍為平靜落黎啦.
睇番我8月12日影相既時候,右眼完全打唔開呀.連野都唔想食添呀.
整日覺豬
打唔開眼仔慘樣X10既呀be,片長33秒.
到左8月13日眼仔稍為大番,但依舊不聽不聞既樣子.
今次藥既數量小左好多呀,最大支眼藥水,就係以後都要伴隨我左右既人工淚水呀,每日要滴10-20次.之後一星期後覆診,跟住兩星期再覆,再黎就一個月先覆診,好番晒之後每年要見醫生3至4次,希望今次我搵啱醫生,係樹再一次多謝各位既關心同問候
訂閱：
文章 (Atom)