禾的長長狗久生日會(禮物,感謝篇)

2010321

禾的長長狗久生日派對接近尾聲時,梗係要影番張大合照留念啦!再次多謝各位好友抽空出席以及幫忙打點,好讓我們這一家開開心心地渡過今年這個生日,亦為禾既狗生留下美好的回憶!

為左答謝來賓,禾媽落力地製作左這本筆記簿,雖然唔係咩貴重禮物,但熟悉果個肥婆為人既朋友仔都知道,她是一個電腦白痴啊,希望你地都會鍾意啦

個個都一式一樣,有來賓相片,及禾既靚相啊,呵呵...

回到家裹,兩老要禾同大家既禮物影合照,多謝大家賞面到黎祝賀,仲要大家破費,真不好意思呀!

多謝禾既形象指導契姐姐送禾生日會戰衣及梳化...

多謝3b媽送禾肥老豆趣緻生日帽...

多謝小re姐姐及阿姐早在2月份已寄來港的生日禮物包...

多謝甜品家送禾的靚靚外套仔...

多謝muimui家送禾的生日禮物包,內裹應有盡有,細心既mui媽連腰帯也幫禾襯埋呢!

小re姐姐,多謝你幫忙製作banner,雖然今次你未能出席,但也有製作你的回禮筆記簿啊,小小心意希望你會鍾意啦!

由於生日會時,禾也沒盡情食食,所以隻肥媽回到家後也為禾補回生日小壽包...

次後佢地便開始清場大行動,收拾好禾既禮物,誰知有一件禮物就是這個去街街袋袋,禾一見到後便發狂般跑進去,怎也不出來...

滿地禮物加上這頭頑固小狗的舉動,引得忙得不可開交的兩老都大笑起來

經過半個鐘後既談判,由於談判破裂,禾這頭2000後的小狗被強行抬了出袋袋後,再被抬進廁所洗白白,之後禾亦放軟手腳被抬進房內覺豬了...