放棄角逐!

5月12日

早前為我家肥女參加左寵物奧斯卡,誠蒙各好友既支持,林Bebe已經入圍角逐"最佳寵物主角"進入最後5強,但留意過條款後,我地決定唔會出席即係放棄角逐啦,因條款寫明"因場地關係,所有入圍者不能携帯寵物入場"睇到呢到,已經唔使諗啦,再加上入圍者須要收取入場費,如果未能出席亦會將獎項由第二名補上,最初既條款亦唔清唔楚,直至昨日截止交回條日,唔知係咪無咩人報名呢,大會打電話黎告知,又話依家可以每1個人帯1寵物,唉!都係咪搞啦,條款變又變,容乜易一陣去到又話唔比落地,況且當日我地又有活動,我諗BE頭都係鍾意去玩而唔係就咁坐係樹成日多D囉.再次多謝曾經投過我票既朋友仔們,尤其姐姐全程落力幫忙解決疑難,令你失望真係唔好意思呀

唔好茅心雞啦Be頭,我地果日帯你去一個仲好玩既地方好嘛!

由Petpetseason.com聯同《SEASON》籌辦的「Pets-Oscar寵物奧斯卡」網上投票部份已於5月3日完滿結束。 經「Pets-Oscar寵物奧斯卡」評審委員會審閱後，現已得出最後決賽提名名單。 現特通知閣下之短片已成功入圍，晉身決賽部份之提名名單競逐下列獎項： 片名:恭喜發財! 角逐: 最佳寵物主角 我們誠邀閣下出席於2009年5月17日（星期日）舉行之「Pets-Oscar寵物奧斯卡」頒獎典禮2009。 日期：2009年5月17日（星期日） 時間：下午1時00分入場, 1:30時 至4:30時頒獎禮 地點：Backstage Live Restaurant - 中環威靈頓街52-54號1樓 費用：每位HK$200 (現場包飲品、小食及豐富禮物) 人數：120人 (每位入圍參賽者可獲安排3人參加) 服裝(Dress Code)：整齊便服 (Smart Casual) 祈請 撥冗參加 敬祝 安康 「Pets-Oscar寵物奧斯卡」頒獎典禮籌委會敬上

     

	「Pets-Oscar寵物奧斯卡」頒獎典禮籌委會敬上 「Pets-Oscar寵物奧斯卡」頒獎典禮2009 姓名： __________________ 電話： __________________ 電郵： __________________ 入圍作品： ____________________________________ 出席人數： _____ 總費用：HK$ _________ 注意事項： 1. 出席者請於2009年5月11日或之前填妥本回條，並以傳真Fax: 3173 3068或電郵 mail@petpetseason.com回覆是否出席本頒獎典禮； 2. 出席者請於2009年5月12日或之前繳付參加費用，閣下可以下列方法繳交： * 請以劃線支票抬頭 Animalia Interactive Ltd.，並郵寄至 : 香港中環德輔道中59號中南行3樓 * 請將款項存入本協會之賬戶號碼 : 400-547-584-838 (HSBC 匯豐銀行)，之後請緊記將銀行收據傳真至本公司與職員確認 * 入場費必須全數繳交，報名將於收款後確認，一經確定便不接受取消或退款 3. 每位入圍參賽者可獲安排3人參加，另備少量名額可供預留報名，先到先得； 4. 各獎項最後得獎者如未能出席或未能派出代表領獎，其獎項將由次名出線者補上，大會不會再作安排及通知； 5. 基於場地所限及安全理由，出席者不能帶同寵物出席，需以短片形式發表寵物得獎感受； 6. 每位入圍參賽者請準備參賽寵物照片(JPEG不少於2MB) 及短片(不多於1分鐘) ，並於2009年5月13日或之前以電郵 mail@petpetseason.com提交本頒獎典禮籌委會，以作獎座及得獎感受之用； 7. 最後競逐名單將由「Pets-Oscar寵物奧斯卡」評審委員會選出最後得獎作品，「Pets-Oscar寵物奧斯卡」評審委員會、SEASON及Petpetseason.com保留所有最終決定權。