親親狗狗慈善步行日.

3月30日應Gowen既邀請,狗地參加左spca舉行既2008親親狗狗慈善步行日,大約10:00到達大埔,準備起步喇

係Gowen媽登記既同時,太陽伯伯早左開工咁狗地唯有搵個正位擋一擋,抖定先!

登記完畢,攞齊水水紀念品,今次真係起步喇

行左一陣呀媽話襯我仲有力,同爸爸影多一張相先喎.

唔驚唔覺話咁快就到左第一站喇!不過天氣真係好熱,我至會有小小卷利仔唧.

每到達一個挑戰站,都會有紀念品送,麻煩晒Gowen幫忙換領,等我都同Gowen影張合照至得.

黎到第二站我既利仔終於開始失控啦全身好似發滾咁呀.

咁我唯有使出擺行呢條計仔諗住叫爸爸放我落車仔啦,點知爸爸你好狼心呀.....

大隊推住我架車仔出走,我唯有慢慢咁行落去到第三站囉.

當佢地繼續諗住行去第4站時,我已經舉高白旗投降啦,狗地靜靜咁行上石級繼續擺行,仲問呢個姐姐攞水飲添.

終於我既革命成功,坐住車車到達第4站喇.

狠心既爸爸: 就快到架啦,你快d落車行呀,坐住車仔同出猫有咩分別呢!

林Bebe: 唔同架唔同架!我有氣促,醫生叫我唔可以太劇烈架

於是我又慢慢咁行經第5站喇.

究竟仲有幾耐行呢見到呢個牌應該唔會太遠啦!

Yeah到終點呀!雖然我唔係行足全程,但係我盡晒力架.

由於我氣管未停過咁"her her"聲,回程時我坐番車車出去回回氣先.

臨走時Gowen同我地全家既合照.

今次步行日既紀念品,遲吓仲會有証書寄番比狗地添呀.