我係B4特工.

4月28號

今日同大家介紹一下狗地既好朋友---廚師.

廚師係狗地既第一個認識既朋友仔,其實原本仲有一個熊仔架,只怪我想當年年小無知,錯口咬屎左佢,經兩老判斷下証實醫唔番囉,所以呢7年黎我都好緊張我個廚師架.

雖然廚師已經比我咬到有眼無珠,但係我每日都會睇吓佢,連媽咪同我梳毛,我都要帯埋佢一齊上梳化仔架.

我仲會驚佢受襲,每當有人行近對佢不利,我都會出手相救架!

(林Be發火,非同小可,片長46秒)

我都出花紅呀!

4月23號

今晚如常食飽飯飯之後,呀媽忙著o係廚房整呢個飯後甜品.

整好啦,等我馬上埋位霸番一份先.

我仲襯著無人睇到,lam左幾啖添.

被發現後我就馬上扮乖sit番好先.

開始分比我喇,我梗係要企高認真d監督吓呀媽有無打我斧頭啦.

呵呵今晚簡直係出花紅呀,分到咁大碟.

不過大家睇到我開心既背後,其實係好辛酸架,有得食既背後,慘被爸爸整古,嚇到我食都食得唔安樂,好彩被媽媽打救我,我至可以安安樂樂咁洗碟渣.

(林Bebe慘被Be爸阻止進食,片長2分53秒)

悠閒星期天.

4月20號

颱風過後,仲諗住無街街去,點知星期日天朗氣清,爸爸要出去整眼鏡就決定帯埋我出九龍嘆啦!

今日咁好天氣,我都要曬番一身古銅色先

有野食啦,係沙律餐湯同餐包.

媽媽點既龍利柳意粉.

爸爸點既牛柳意粉.

呢個碟咁似我平時用開果個既,呢碟應該係佢地幫我叫既呢.

哎呀,我唔記得叫你地麵包走油添.

咁我咪無得食囉

好彩仲有餐廳送我既餅餅頂吓肚仔.

食飽飽就向下一站出發喇

第二站黎左黃埔呢條長廊吹吹風散散步.

林Bebe:我食得幾粒餅仔渣,無力行啦,你地自己行啦,咪攪我呀.

Be媽:你唔行,咁你入番袋啦,我地要去豬豬島繼續行,我要"梳平"呀.

就係咁我係袋入面渡過左過下午,直至夜晚先歸家.

海外專員到訪@金喜花園

4月12號

今日o係楓葉國到港既海外專員探訪各同學仔既日子,呀媽今日要番工,本來驚趕唔切黎,後黎得到pei家支援,最終趕到黎但因呀媽帯左個無充電既相機出來,所以只影左小小相好多人都話我今日好小野講,梗係啦呀媽除左帯左無用相機黎之餘,仲帯小左我條cable線黎,即係我爸爸,所以只得我同媽媽既合照.

今次狗地聚會既場地.(這張相片由cash媽提供)

Cash Cash唔該晒你地幫我帯比專員既禮物呀我呀媽都係偷走出黎,趕過黎,無心要你地幫手拎禮物呢,真係唔好意思呀.

呢位同學仔被maggie姐姐誤以為係我,其實佢係ball ball黎架.

大巴士你今日就發達喇,捧住個肚仔走呀.

呀旦,我將你今日變左"泥旦"既事一五一十講晒比爸爸知喇

B仔大人你坐係樹幫家長們看著d野食呀.

Wing Wing你咬到隻手手變左麻辣鳳爪喇.

皇上啱啱午睡醒來.

妹梅你既招牌笑容真係超甜呀.

家長開始bb蕉啦.

可憐既我"頭dup dup"跟住我肥媽义腸仔,然後燒,之後自己食.爸爸我好掛字你呀

好彩得呀旦媽出手接濟我.

食飽飽搵張床休息吓先.

(由Cash媽提供既大合照)

返歸第一件事要多謝專員送我既零食,皇上送我既牙刷仔同年曆咭,仲有豆豆送我既年曆咭,多謝晒各位

另外要多謝米國Bebee上月已經空運到港既零食,同埋旦媽送我,我已經飲左半樽既三文魚油,多謝晒你地

東霸,浪茄之旅玩水篇.

4月6日

經過漫長既山路,大家終於到達今日既目的地---浪茄啦!

(Bebe游水停不了,片長28秒)

大家啱啱到步,已經急不及待向沙灘出發呀.

旦媽: 仔呀仔,落水前要做熱身操呀,跟我一齊做啦.1...2...3...4

而我要抖抖喘定氣,睇睇咩環境先.

話口未完,已經比怪手抱左出去岸邊試游啦.

仲愈游愈出,嘩!好大浪呀~

鏡頭一轉,妹梅都碌完幾轉沙番左黎添.

Cash仔今日唔貼實媽媽腳,改為磅實爸爸呀.

而好休養生息既噹噹都忍唔住係車仔底走出黎.

噹噹:今日咁好天氣,Cash仔狗地兩個都出去浸浸水囉.

而小摩女被一小朋友愛不釋手咁抱住,仲好耐都唔放手呢.

小白:今日好大浪,大家都唔好游咁出呀.

PeiPei你同Wing 仔兩個係沙灘樹孖住咁散步,為咩笑晒口咁呀.

哦...原來係大巴士肚餓得滯,攪到要食沙頂肚呀,仲比凌生遞捕添

鏡頭又番黎我樹喇,我被怪手偷襲多次,嗱嗱嗱...又捉我喇

游左50幾個塘好攰啦,抖抖曬吓太陽先.

又o係沙灘樹賞草草.

望望吓仲望到訓著左添

訓左一陣又話準備走喇,叫我起身影相,真係十萬個唔願意呀.今日既旅程報導完畢,各位朋友仔下次再玩過喇