聖誕燈飾夜

上個星期六, 肥媽下晝返到黎就係咁摷我個衣櫃....

唔通...帶我去街???

嗱嗱淋換好衫, 呀媽就同我出門口去坐車啦...

原來, 今日約好blog友仔一齊出老尖影燈飾相!

但係, 唔見咗巨人爸爸既呢??? 佢唔一齊影咩???

原來佢有特別任務, 就係去接埋我老友旦旦一齊黎...

尖東呢處好多人... 等我擺好"甫士"影身後既老鼠仔啦!

肥旦今日都打扮飛仔look出黎! 不過, 無咗呀媽, 佢個樣唔開心...

等我地都影張 "全家福" 先啦!   

肥媽...快d同我帶埋頂聖誕帽啦!

呢樹好靚啊! 我要同大家講聲.....

.......咩哩 隙士襪士呀 (Merry Christmas) !!!

黎到海運.... 嘩....金光閃閃, 好靚啊!

d 波波發光架.... 我睇到眼甘甘...

都係三七面上鏡d啦......

呢個呀旦, 成晚面黑黑唔開心, 係咪驚呀媽唔返黎接你呀???

我周圍望......呀媽叫極我都唔望鏡頭!

好啦...比番個七分面你地影啦......

呢副同Cash Cash既不經意合照又點呢??? (一個望高一個望底)

我同雪雪既合照又點呢???

唉.... 擺咁耐甫士.....手仔軟啦!

Bebe: 不如換一換 "摩都" 啦.....

肥旦都係唔肯笑.... 眼仔又搵呀媽......

旦旦: 呀媽...你幾時返黎呀...我頸都長哂啦!

歡樂時光又過啦... 今日同狗地一齊影咁多靚相, 多謝哂大家!

祝各位都聖誕快樂... Merry Christmas!