11月29日爸媽一大早就帯我出黎,仲以為去街街添,典知原來今日係我既手術日.
註：中段有呀be痛哭15秒片段．
我一路掙扎想逃走,爸爸一邊安撫我.媽咪負責接洽手術細節,誰不知今日動手術既醫生並唔係我既主診醫生,今次輪到爸媽內心掙扎大半日,最終決定簽字動手術,但我今日既手術項目共三項(絕育/切腫瘤/洗牙)診所方面見我爸媽賴死唔走,亦作唔出決定,便提議今日先做全身檢查,好讓明日主診醫生回來可以立即進行手術.
11月30日唔知掟既我見我媽舉機仲露出1號笑容.
就係咁我地一家三口一齊坐係診所直１１點４０分姑娘叫我名入手術室，我開始有d害怕，輕輕訓在爸爸懷中係都唔願跟姑娘．
下午５點鐘，大家睇見我頭髮亂晒亦帯住大號喇叭既時候，我已經手術成功喇．
爸爸擺低我一陣諗住找數，但我聲嘶力竭地哀鳴．哭到連聲都沙埋
找數完畢攞埋藥開車回家啦！
佢地為我整好竇口，但我拖住疲累既身驅一仆一碌地出廳屙殊殊．
因為傷口痛我成日走位想搵一個舒適既位置覺豬，訓一陣肚仔唔舒服又轉位，成晚係樹走黎走去，今日同大家報導住咁多先啦，明日繼續，早抖啦
今晚睇完醫生番黎,爸爸攞左包野比我,我睇一睇原來係米國寄黎既包裹!係樹真係要對米國既Bebee家大叫三聲：些些你地
影左一輪佢地都唔肯收手，我唯有發動刨吼攻勢，叫佢地快d幫我開啦，梗係啦話晒我都係第一次收飛雞貨嘛
包裹入面有零食，Bebee靚相及一張問候卡，真係包羅萬有．
其實我依然食得訓得，有零食既時候仲不知幾精靈添呀!要大家為我擔心真係唔好意思，而爸媽亦都唔再當我病狗般看待，佢地話橫掂都要等做手術，唔好再留我係屋企，陸續恢復我既活動!
Bebee我仲專登錄左後錄音比你，內容大致係話多謝你地既關心同問候，要你地破費真係唔好意思呀！為左答謝大家，我會帯著大家既祝福去打敗病魔架，唔．．．你地大家對我貢好，我都唔知講咩好啦！
本來呢篇Blog係要報導我今個禮拜日出席blog友仔聚會之１１０４彭福公園遊既．但係依家我要係樹同大家講聲我要暫別各位狗地喇
相信當日有部份出席聚會既朋友仔都知道我身體出現左毛病．今日見過醫生之後証實我患有瘤，要做手術切除．最大問題係因患處腫脹，暫時未能做手術，依家唯有等．．．但因我媽既堅持，醫生唯有夾硬比我地Book１７號做．同時醫生說我還有輕微心臟病呢
其實去彭福前兩日我媽已經知我患病，本應等星期日玩埋先去睇醫生，所以今日已經盡量趕工，希望係睇醫生前出到彭福遊玩篇，最終都係寫得一半，朋友仔真係唔好意思喇，家陣我媽真無心情做埋落去啦！在此真係要講聲錫我既朋友仔們多謝你地送我既禮物仲有多謝波子哥哥幫我影既大頭狗相，cash媽幫我影我媽咪”恨”左好耐既喪跑大草地相，最後仲有旦媽一路以黎幫我搞呢個blog既所有難題
希望我快d好番再同大家見面喇
到時你地唔好唔記得我呢個開心果呀！
上個禮拜爸媽同契姐姐帯左我同妹妹去西貢食飯飯
妹妹已經打齊針，以後可以成日同我去街街啦
Faye Faye長大左好多，連個樣都好似唔同左咁呀
好快佢就會同一樣咁濶架啦
依然無變既係佢對我既熱情無減
雖然除左狗糧之外，佢從來未食過其他野，但係佢睇見食物依然會好開心架
但眼見食左咁耐都無佢份時，佢又會好失落架喎，真係表情多多
食飽飽大家梗係要散吓步啦
典知姐姐話唔比faye落地，過多一排先喎！可憐既faye faye落係爸爸手上慘叫
當日契姐姐仲送左呢個野比我，我四圍盤旋，究竟係咩黎架呢
唔通係大飛，我似唔似坐緊快艇呀
原來係一間鞋型既床仔呀，真係多謝晒呀爸媽話叫你唔好破費喎，咁不如你下次買芝士或者pizza都得架
