大細超晚餐.

7月12號

呢排日日落雨搞到要留守家園,呀媽見無咩搞作之下玩吓煮飯仔,嘩嘩!開飯囉,等我霸定個位先.

Be媽 : 我整開左你既野食架啦,唔該你落番地下慢慢嘆啦.

林Bebe : 哦....攞齊我既飯餸呀,咪諗住打斧頭呀林師奶.

呢個就係禾既晚餐啦,o係猫仔契媽樹偷師既薯仔牛肉丸,2條菜同豆腐.

禾望住呢款林師奶整得賣相麻麻既新出品, 究竟好唔好食既呢?

隱陣起見, lam 一 lam 試試味先喇.

你地呀大魚大肉,成枱野食先分小小比我呀喇,食到你成地都係等你抹餐飽至得

當呀be遇上大蝦.

由於媽媽剛剛係七月份換左工作崗位,忙到有氣無頂抖既師奶仔係星期六晚上煮左我好鍾意食既大蝦,當做陪賞我呢輪無啖好食同無街好去既小朋友,佢話希望我食過大蝦就笑蝦蝦咁囉

但係你地唔幫手,我自己唔識食架喎.

(林Bebe生吞大蝦,片長1分03秒.)

乜得咁小,咪好快會食晒囉.

Be媽: 係你咬剩個蝦尾,我擺番落你隻碟樹,咪等你好似無食過咁渣.

都係一於唔好理咁多,食快d睇吓仲可唔可以分多隻先.

真係好好味,食到我lam lam利,但結果我梗係分唔到多一隻啦,因為其餘既全部都攞晒去煎囉

嘆茶.

6月22號

今個新地熱辣辣,兩老夜晚約左友人食"步飛"買甩我,下午近黃昏時先帯我去蒲街渣.

大熱天時,最適合我既活動就係嘆喇.

同行既仲有朋友仔GoWen.

飲飽食醉又玩夠,係時候同Gowen Say Goodbye啦

兩小時既茶叙話咁快就過喇,真係麻煩晒Gowen媽幫我攞番我既銘謝狀

瘦身成功!

各位,炎夏到黎,我終於瘦身成功喇!呢個就係我既"深麻郁"啦,呀媽話鏟光晒既我樣子極之難睇,但係為左迎接呢個炎炎夏日,我被逼都要做番個瘦版醜女喇

經過一輪地獄式減肥,我總共瘦左每隻腳3寸,肚腩5寸,仲連最可愛既包包面都減埋.

而為左令大家進一步了解我既成功秘訣,我決定公開我既減肥餐單,就係以下呢一小碗糧餉喇,大家睇見我個樣就知我幾唔夠飽肚啦.

絕無花假架,你地睇睇呢張減肥前既相片,虎背熊腰包包面既我,係咪好睇得多呢!

林Bebe寫真集.

上個月係影樓影既寫真集,終於到手啦!大家都黎睇睇禾呢個又唔肯笑,又唔肯企係樹既"魔到"啦

(1)

(2)

(3)

(4)

(5)

(6)

(7)

(8)

(9)

(10)

(11)

(12)

最後送上全家福一張.

  <完>

相識七週年.

6月9日

今日係我媽咪生日同埋爹媽與我相識既七週年,事關七年前既我身附重任,扮演生日禮物呢個角色,由爸爸送比媽咪既禮物黎架.所以今日佢地帯埋我一齊去街街玩吓下午我地坐車車出發囉.

原先諗好帯我到九龍灣一間我都入得既餐廳醫肚架,

典知餐廳正在裝修無開門,唯有放我上petmax行個圈,跟住將我屈蛇入地下既餐廳算吧囉.

食飽飽之後我地就過海喇,因為今日既目的地係長洲啊.

林Bebe : 呀媽,我唔搭得快船架,會暈浪吖.

Be媽: 殊!咪叫啦,我地趕一頭趕命趕入閘,上錯左快船,家吓都唔知你入唔入得,一陣被人趕落船你咪話識我添呀,你忍一陣啦.

林Bebe:

快船大約35分鐘就到達長洲碼頭,同壽星婆影番張相先.

原本媽咪示意要坐呢個單車,但今日既長洲多人到似假日既旺角呀,人多車多終於放爸爸一馬啦

黎到長洲梗係要同包山影吓相留紀念.

佢地一路行一路食,無耐就到左東灣泳灘喇.

行左兩,三個鐘後我地都要同長洲講bye bye囉

今次無搭錯船喇,可以明正言順坐出黎,he hee唔使屈蛇囉!

一家三口係船上既合照,頭先係長洲竟然唔記得左影呢

一落船我地就飛車趕番入深井,事關今晚晚飯既地點又要就我去得既地方,入黎深井咁近元朗之友,一於一齊晚飯囉.

元朗之友今日準備充足,係咩呢.....

大巴士: 林be頭,我呀媽今日整左d好野過我地食呀,仲預左你一份呢.

原來係雞肉小丸子,pei媽唔該晒你幫我預備既晚餐呀我地由朝去到晚無帯野食黎,差d要流住口水睇住你地d大人食呢

今次係長洲見得最多就係呢類包,點都要買番幾個看下門口,呀媽話我都有份呢,今日既旅程好開心呀,雖然簡簡單單,但最緊要係帯埋我一齊呀嘛

      <完>