Cafe內之恐怖襲擊

擒日暴龍爸媽向中環出發之後, 番黎話比我聽佢地好慚愧無帯埋我出去, 為左補飛佢地約左我d

　老友，星期日狂風暴雨既下午，我地一行六人三狗狗，再戰旺角啦．哈．．哈．．

首先出場既就係喉擒大少．．旦旦

呢個咁斯文大方，官仔骨骨既就係．．Cash Cash喇

呢個咁狗吞虎嚥既之唔係我囉

大家唔好睇我嬌滴滴呀，我好為食又唔知飽架．

暴龍爸爸：點只唔知飽呀，你仲唔知醜添呀．

肥媽 : Bibi做乜事哩係度奸笑呀？

Bibi : 嘻．．嘻，你地睇下旦旦

原來阿旦個下巴仔吊住粒通粉，旦媽仲笑佢帯佐新款鍊咀添

食飽飽都係坐下睇下佢地攪乜先．

旦旦始終都係後生仔，四圍撩狗狗玩.

不過Cash Cash 好似唔多採你喎！

說時遲那時快，我被這肥旦捉個正着．

肥旦：都係你好玩d, 細細粒，

容易食．哈．．哈．．我黎喇．

Bibi : 我唔玩呀，救命呀！你成二百幾磅，想扎死狗咩．

這頭可憐的小狗大逃亡後一直哩係梳化底，點都唔肯出黎．

Bibi : 我驚驚嘛！

其實我係梳化底觀察住這肥旦既舉動，你地睇下連咁大隻狗狗都被這肥旦赫至

面容扭曲．真係慘慘．．．

終於肥媽出招話要走喇，我唯有同大家影番張大合照，但係諗起頭先既

驚險大走難事件，唔記得左面向鏡頭添．嘻嘻

要走啦，我都要咩番我個 手袋仔先．

話．．乜咁重呀

，媽咪你又放左銀包同電話落個袋袋度，我．．行唔郁啦．

我走先啦．byebye!旦旦CashCash下次再玩過啦．

今日大豐收呀，多謝旦媽同Cash媽送我既禮物

仲有女麻女麻送我既小食，真係好開心呀，多謝晒

回憶六

六月九日係我媽咪生日, 亦都係我認識我爸媽既第一日, 六年前既今日我爸爸買左我送比媽媽作為

生日禮物, 眨下眼我已經跟住佢兩個六年啦, 今年佢兩個諗住帯埋我去慶祝, 就西貢食海鮮啦, 佢地

鍾意食嘛.

點知有日我睇報紙發現中環有間酒店做緊貴價海鮮自助餐, 我就剪埋<回本攻略>叫佢地

大刷一餐, 唉..無計啦我check過個度狗狗唔入得嘛, 唯有成人之美啦

進入酒店後, 兩個鄉里攞左位後, 杯水都未到就人去樓空, 一枝箭咁向食物部出發

首先出場既係號稱全球最貴既Balik煙三文魚, 佢地話真係幾好味架. 據聞呢個項目已經回左一

半本啦.哈..哈..

第二款係海膽刺身, 聽講話呢個就食左一板半喎!

跟住黎一張海鮮大合照.

美國蠔.

龍蝦仔.

澳洲蠔.

大螺及阿拉斯加蟹腳.

不同口味既焗蠔及刺身.

燒大骨.

各式甜品.

芝士蛋糕及毛c.

再黎甜品. 勁呀

經過佢地既賽後報告, 呢兩隻暴龍簡直食足人地四人價錢及份量既野.

最衰我就無得去啦, 如果唔係我都可以試下<回本攻略>就好啦