２月２４日我地相約一班朋友仔，齊齊黎到呢樹錦田鄉村俱樂部同２摩女雪雪＆柔柔賀壽．家長們點左盤菜，好多料架．．．．．．．
而我梗係要霸定個有利位置啦．
旦旦亦同我一樣坐定定等住食．
乖乖cash仔坐住係袋袋入面等爸媽食飽飽先同佢跑跑．
噹噹都係恰住眼訓咁乖乖等出去草地玩．
３摩女都一樣坐係袋袋入面．
而呢家咁為食既個個都望住個盤菜呀，除左peipei小姐．
唔使講更為食既我，更加比呀媽擺埋上檯添啦．
大人食飽飽就輪到狗地跑跑步，你地睇睇連我都有跑架．
２摩女就齊齊行孖必，２個一齊擰轉面幾齊心．
peipei小姐就自己一個慢慢行，散散步．
大巴士就企定定係樹做咩呢？
原來懶玩yuki四圍咬咬撩其他姐姐同佢玩，搞到wing wing全日都滕黎滕去．
cash仔跑完彭彭聲走番埋媽媽腳邊先．
旦旦跑到下巴仔都濕晒，仲自己走去搵水飲咁叻仔
咩樹佢三個眼神咁一致呢？
哦．．．原來玩到咁上下有人係樹派米．大家咪以為我低頭分唔到喎，其實我第一個輪到仲食緊添啦
而我輪完米緊係番黎搵番我部私家梳化坐坐先啦，熟我既朋友仔都知我只係得幾分鐘熱度渣嘛
雪雪＆柔柔：祝你地生日快樂
身體健康！
各位,我林Bebe參加左頭條網既十大寵物之星選舉,家陣進入第二階段,我入左圍啦!
當中只有10位幸運兒,而30%既得分係由投票得黎既,大家都幫手投我一票啦.
首先click入呢條link,做新會員登記,
http://www.hkheadline.com/pet/promo/top10pets/vote.asp
跟住就會見到最低果行既最Talk之星
請投我一票,多謝支持!
上回講到大人偷食飽飽之後，我地就向著山上出發啦．壽星旦一路帯頭領先，乖乖企係樹等待隊友們，似乎知道自己今日係主腳噃
３摩女都走呀走，個個嬌的的都行得好快呀．
話咁快大家都行到山上最高處，望番落去頭先我地咪係果樹開餐囉．
典解wing wing既眼神咁憂怨既？
之唔係佢地偉大既父親大人囉，全程一個人揸住pei家既私家車帯住pei家其他成員．
中途睇見呢樹環境真係靚，但亦非常凍．
噹噹好定當坐係樹任影唔嬲．
cash仔係媽媽協助下亦非常合作．
而我本應都好合作既，但係實在凍到我騰騰震，
同埋係我無心理準備之下肥旦突然走埋黎搶我鏡．
其實佢同我老友鬼鬼，見我年紀大所以珍惜同我影合照唧．
行左貢耐終於到達目的地喇．
狗狗們都各自自由活動，鬆鬆筋骨．
而最識嘆既我梗係霸番個靚位抖抖先．
咪諗住我會做孤獨老人呀，好彩噹噹同我一樣，我地一齊"hea"吓先．
回程既時候，由於風勢漸大，我亦開始不停打”黑痴”呀媽將我包到好似啱啱被救起遇溺既狗狗咁．
上到船上大人們都幫狗狗清理一番．
而旦旦亦受到睡魔急call,捱住旦媽訓著左．
而cash仔同小摩女依然好精神，眼仔碌碌，今次既旅程都好豐富，除左凍小小之外，大家都玩得好開心呀，係樹再一次祝壽星旦生日快樂！朋友仔下次見喇
今日係大年初一,爸媽擒晚行花市行到好夜先番,晨早頭都未梳就叫醒我起身錄賀年短片,睇在有角仔份上,我都係乖乖同大家拜年先
（林bebe同大家講恭喜發財，片長４２秒）
好啦,我要去女麻女麻屋企逗利是啦,再一次同大家講聲:恭喜發財,身體健康,新年進步!
