良朋共聚!

上個星期六傍晚媽咪帯我到醫生處打防疫針,本來好痛好唔開心架,不過原來佢約左大家既好友一齊散步同晚飯,我當堂成個開心晒

我地相約係荃灣海濱長廊散步.果樹環境都唔錯,不過日落前呀媽掛住吹水,無乜影到較光既相片.(這相片由布旦旦提供)

大巴士行到唔願行,我地都準備去食飯囉.

Cash Cash都搵爸b入袋袋搭車去深井食飯囉．

大巴士好乖咁坐定定係樹等食．

而最為食既我呢，梗係扒起身霸定隻碟先啦！

呀旦喵過檯面無野食，就乖乖比旦媽影張靚相啦．

野食黎到啦，旦旦笑得幾開心

而Cash Cash都被香噴噴既美食吸引左上檯呀！

應甜品怪呀媽既要求，大家好快速咁轉場黎到發記甜品樹喇．

呀旦懷著期待既心情諗住分到小小甜頭．

典知大家有講有笑係咁食，最後食剩芒果卷既時候，肥旦已經矛晒心雞咁托住頭仔，今日既行程好豐富呀，開開心心又一日喇，朋友仔快d諗定下次食咩好啦．

有毒菜菜．

1月14號下午呀媽番黎食午飯既時候,發現我抓眼仔,之後我眼仔就每兩分鐘好似放電咁對呀媽單眼,佢立即幫我帯起喇叭,跟住同我講: 今晚同你去街街呀,乖乖地等我.係呢個時間我心一沉,擒日先同我去左街你對我咁好,今次賴野啦

佢放工之後發現我眼仔又試打唔開喇,就彭彭聲帯我趕去睇醫生,我亦不負佢所望患左"眼角膜潰瘍"經已係第三次啦,大家都駕輕就熟

不過我既眼仔都有精靈既時候,之唔係見到我想食既野,眼仔可以大到好似無事咁囉

典解我呀媽仲有心機比我食菜呢咪因為以下呢d野囉，噢！我又食左有毒菜菜啦．一個禮拜後覆診，應該好快會無事呢

０８年的第一天．

擒晚大除夕同朋友仔出去倒數之後，今日新既一年我地一家三口都係屋企一齊食飯．今日凍凍地，一於打邊爐，各位我唔客氣啦

一開始就發現大垷入面夾著蟹仔，乜原來垷係食蟹仔既咩

而我呢，打左成晚邊爐只係分到呢碟菜新既一年我既願望係下次打邊爐樣樣都有我份食就好啦

再遊彭福:＞

12月30號爸媽再次帯我去彭福,媽媽見擒日好多朋友仔都黎,所以提議我地一家自己再次出動囉

媽媽係神婆,佢話梗係要同金馬影一影相,希望來年好運喎

又點小得我同花花既合照呢

等我影番張小狗也騎馬過大家睇睇先

我既馬上英姿掂唔掂呢

影完騎假馬,仲同真既小馬黎一個合照添

為咩樹我lam晒咀咁呢

之唔係睇見成日請我食零食既peipei家都黎左囉大家姐peipei.

打手wing wing.

同埋個日好燥既大巴士呀！

仲有peipei家既朋友仔小輝．

大人掛住傾計，無人理我，我咪求其走去個哥哥度叫佢比我飲水水，佢仲幫我"R"痕添呀

跟住比呀媽鬧爆我，又比其他唔識既狗狗撞我，我咪自己入袋袋要番屋企先囉

後來爸爸見我扁晒咀，咪抱我入衫衫入面

傾多一陣我地要走先啦！bye bye啦peipei家，bye bye啦彭福