3月17日
今晚爸爸放工番黎時,帯著一包由台灣既包裹,原來係阿姐同小re姐姐送比禾既生日禮物,係一隻有褲褲既枕頭仔."些些梨文"
典豬個爸爸話好軟熟,借佢瞓吓,禾梗係唔肯定啦,咪走埋去推開佢個肥頭囉.
爽呀!禾瞓就啱啱好喇.
後黎個臭爸話佢山長水遠幫禾拎番黎,借佢瞓吓都唔得,叫禾帯埋個枕頭仔出街瞓喎,禾頓時down晒啦
結果禾被逼就範,讓出半邊枕頭仔比個肥頭,禾先唔使被逐出家門渣.
<完>
仲有呢樹既聖誕禮物,個大懶人家陣先貼番出黎,bebe同大人都有份架,再次多謝阿姐及小re姐姐,下次唔好破費喇,留待你們今年來香港時再見喇
3月8-9日
各位朋友仔大家好呀!3月9日禾8歲生日啦,2009年禾第一次同大家見面,多謝各位有心人係我患病期間不斷到黎問候
大家睇見禾既大標誌"一雙大眼睛"可以放心啦,禾好番晒囉,只係須要每3個月回診所探吓靚仔醫生唧,好啦帯大家睇睇禾生日去左邊樹玩玩先........
由於整個星期都落雨,爸媽都擔心要同禾係屋企渡過,好彩天公造美,星期日都尚可出街,不過地點就改了又改,結果就黎左清水灣郊野公園喇.
呢樹好多人放風箏呢.
林Bebe : 4千金,禾地一齊出去跑草草囉.
唔係講笑架,禾真係又山頂跑落山腳添呀.
跑左幾百米,呀爸就捉左禾去同呢樹地標既風箏影相.
之後pei媽見禾凍凍地,又借左yuki既裝備比禾取暖,真係"丁橋"晒.
呢呢呢.....禾地一陣間就去後面食飯飯呀.
個個都玩到好攰啦,等大人醫肚,而禾地就食pei媽整既雞肉小丸子啦.
大人既海鮮餐.食飽飽後就歸家洗白囉.
3月9日先係禾正日生日,爸媽都要番工,晚上出去外賣和風晚餐及蛋糕番黎同禾慶祝.
林bebe有野say (片長40秒)
爸媽既和風晚餐,請留意右下角圖4.
禾切餅餅啦,祝禾自己身體健康,日日有食神,天天有街去
禾既晚餐準備去蒸喇,小心駛得萬年船,數清楚有幾多塊魚魚先.
好似得貢小既.
原來真係比衰媽偷走2塊,佢地貢多野食仲偷禾既,正衰人
良心發現既衰媽都忍唔住見小得滯,唯有同禾加碼,加多一粒脫水雞雞.
多謝晒pei家送禾既一套衫仔,好啱身好靚靚呢!
