2008年7月30日 星期三

家庭日.

7月27號.


今個新地我傻媽帯埋我同妹妹婆婆,仲有婆婆,舅父仔及女朋友全家總動員同狗地去游水呀.本來諗住陽光普照可以等妹妹婆婆開心暢泳,殊不知當我地3點幾進入沙田地帯,就橫風橫雨雷電交加,傻媽見難得齊人屎心不息,彭彭聲叫爸爸飛車轉場,終於都比狗地游到一陣水呀.





由於妹妹婆婆都有7,8年無游過水,起初都無從入手





後黎由舅父仔帯住,摩打尾終於啟動啦!





跟住落黎,已經可以放開胸帯,著左turbo添.





游左一陣,天色開始昏暗,狗地都要沖身去下一站囉.





與妹妹婆婆暢泳,片長19秒.



與妹妹婆婆暢泳,片長22秒.


 

難得一家人出黎玩,雖然天氣唔係咁好,不過落吓雨無咁焗,咁就去埋bb蕉啦,禾同妹妹婆婆梗係眠一陣先,bye bye





2008年7月27日 星期日

我的戰利品.

7月26號


今日係一連三日既寵物展,我肥媽放工後撇底我,聯同PEI家出動掃貨,雖然大部份物品都係買比我,但係甩低我O係屋企就勢係假啦





原來佢地一早有準備,相約左我既朋友仔去元朗樹開餐,咁就算啦,成個開朗晒





次次都叫咁多野食,依舊係全數清場.


 

好彩狗地都唔差唧,今次有幾款零食供應添架.





飯後再直踩甜品屋,呢次試吓呢款新既棉棉冰,聽講食後透心涼,但味道麻麻.就係咁完成今日既旅程啦,聽日繼續.





2008年7月22日 星期二

Sharing Life Y!BLOG生活誌.








 


經過差不多一年時間的籌備,第一本將過去3年以來,Yahoo! BLOG上精彩故事輯錄成書的Sharing Life Y! BLOG 生活誌》即將於723日誕生於香港書展及各大書店﹗


除了在超過100萬個Y! BLOG內悉心挑選了超過50BLOGGER的網誌放在書裡跟大家分享,我們亦特別邀請了20位人氣BLOG友作特別專訪,讓大家對這些「明星」BLOG友了解得更多﹗專訪人物包括MAmiMamA (MAmiMamA一屋四人一日一誌)、雅妮媽媽 (小小雅妮與安娜) 、攝影師Cody (Cody 的數碼黑房) 、識飲識食的大少奶、Vanily & B 媽媽 (大少奶's Delicatessen; Vanlily BreaDessert; B 媽媽生活記事) 、千年女王YAGAKKO(女王教室@宇都宮) 、愛媽如命的三貓媽媽 (三貓BLOG BLOG)、主張英文由F字學起的蕭Sir (英文由F字學起)及更多... ...


本書或許沒有最華麗的詞藻或綽頭式的照片,但那份真摯的情感和真實的生活感是無可比擬的。但願這次的結集只是個開端,讓熱愛生活的人在BLOG上連線。


早前林Bebe有幸獲得YAHOO邀請,依家比大家睇睇個封面先啦!有興趣既朋友,可到書展或各大書局今日有售啦.


(相片由YAHOO提供)





2008年7月21日 星期一

終於到我游喇.

7月20號


每個禮拜日既日頭我爸媽都會撇底我係屋企,兩個自己走去游水,今個禮拜都唔例外,但係黃昏時份,竟然帯左我出街,去邊呢?原來都係去游水,哈哈.今次仲唔輪到我游





同行既仲有pei家四千金.





依家既時間係5點幾,不過天氣依然好熱呀.





Pei爸幫wing wing同大巴士試一試水溫先.





而我呢.....咪游緊番埋黎岸囉.





PeiPei由Pei媽引領住慢慢游.





wing wing最叻,自己游出去又游番埋岸,總之佢爸爸響邊樹,佢就游果樹.





大巴士都唔驚水架,都係唔使pei媽捉佢落水架喎.





我同peipei係沙灘樹跑呀跑,原來我都會跑沙灘架喎.





wing wing : 游左50幾轉好攰啦,爸爸我坐車車你推埋我啦,我行唔郁啦.


Yuki : 都係我至醒,想捉我落水游,哈!無咁易.





就係咁今次既旅程,懶蟲村村長全程留守係車底無出過黎,而wing wing因為太攰自己跳上車仔,搞到架車爆開黎都唔肯落地,真係笑屎我地呀





時間都唔早啦,大家都攞齊行裝準備去下一站.





沖洗完畢之後,狗地就到下一站開餐啦.





我look一look張單,嘩!唔係掛,叫咁多野食既,唔通今次預埋狗地.





佢地4人一共點左8個餸,食清光晒之後仲要過隔離食埋甜品,唔知仲以為係佢地4個游完水好大運動量添呀.



枱上擺滿晒美食,而枱下既狗地只係分得一包臘腸,仲要係5個狗地一齊"些呀"添.





食飽正餐食到連牙菜都無條剩之後, 呢4個好肚餓既人又過隔離食甜品喇.


wing wing : 甜品我最鍾意食,等我睇過叫咩先呀.





林Bebe : 呀媽, 唔該幫我叫香蕉船同雪糕紅豆冰呀.





wing wing : 唉!你地諗咁耐,等到我攰晒,比我眠一眠先得渣.





狗地大家都好肉緊咁望實個蛋糕,梗係啦,黎到呢一"灣"已經係last call啦,唔知眾狗地會唔會有份呢





2008年7月17日 星期四

去街街食飯.

7月13號


今個星期日晚上爸媽帯左我去深井食飯同散步,美其名話同我散步,查實佢地只不過想入黎食燒鵝同甜品之嘛





開餐囉



大家睇見呢張相咪以為我經已飲飽食醉呀,查實我仲未食飯架,只不過.........





我一路睇住佢地食,我就一路搞到成條頸都濕晒添呀





跟住落黎,佢地既行動升級,再過隔離甜品店繼續虐兒,點解?因為我一路睇住佢地食,一粒米都未到過肚呀不過我仲未放棄架,希望呢站有野食啦.





有啦,有啦,呢碟咁細既應該係我囉掛.





誰不知原來佢地飽得滯,只食左一碟仔甜品,仲要無我份,但係再外賣左兩碟番屋企,快d食啦,仲掛字影熱左唔好食架啦.





林Bebe: 呀媽,你今日食左好多野囉喎,你唔係諗住獨吞呀化,再咁食法,我驚你肥到連門口都入唔到囉喎.





林Bebe: 等我捱吓義氣幫吓你口啦.





經過我呢一嚇,隻肥媽彭彭聲分左d榴槤比我,嘩!正呀,早知我一早洗出呢招啦.