歡樂滿東龍.上集

今日係2008年1月27號,我約左班老友行山同食海鮮，家陣我身在鯉魚門,坐緊船入東龍島呀!

由於天氣都幾凍,趁著搭船入東龍島既時候,同行既家長們都忙於幫小寶寶添衣.

連一向性格硬朗既wing wing都躲入爸爸懷中，唔豬係凍定係驚呢

一到達漁排，紅噹噹家族個個都活躍起黎，梗係啦有得落地行嘛．

3摩女都團團轉咁出動啦!

大家都行出黎散散步，放放水先．

cash cash就乖乖陪爸爸一齊影相喇！

而我呢就梗係做”魔到”同漁排合照啦

大人要先係漁排嘆海鮮餐，狗地們都埋位先啦．

係呢個時候壽星仔旦旦比我呀媽捉左去影相．

４摩個個都乖乖排排坐番入個袋袋度．

而狗地們都有cash媽預備既雞雞做午餐，我當然唔客氣啦

而wing wing果日成日追捕壽星旦，所以比媽媽罰帯口罩呀，你地睇佢眼神幾優怨

坐定定真係凍d噃，連cash仔都要加張被仔至得啦．

而食飽飽既我，呀媽用成張被連我包到成件臘腸卷貢，咪睇見我無心機以為行程完喎，其實只係啱啱開始渣，請繼續留意下集啦！

我的早晨全餐．

１月２０號星期日我地一齊落樓下餐廳開餐．等我都睇吓餐牌有咩食先

今日我心情勁靚個侍應姐姐撩我傾計，我仲應左佢幾句，之後順便自己叫野食添！唔該我想要呢個．．．果個呀．．．

話咁快野食黎啦！我拿拿淋走上黎睇睇先呢碟貢大既仲要係炒野，

應該唔係我叫既，都係坐番低先（其實係比爸爸鬧到坐低至真）

吓！呢碟係我架，唔係掛貢細碟既我都要成份頭擺上檯睇真d至得啦．

哦．．．原來仲有火腿包既，好彩

通粉灘凍左可以食得啦

就係咁我今日食左個火腿包加通粉喇，正正

跟住就返歸覺豬啦，因為爸媽要撇低我出街辦年貨，而我既眼仔係星期一覆診後再食埋呢個禮拜藥就好番晒啦

我的姨姨．

1月18號星期五,呀媽放工帯左我去婆婆屋企食飯呀!順便番去探吓我既姨姨,即係我隔離呢個妹妹呀.因為我同妹妹都比較孤僻,大家都唔係幾啋大家架,所以好難先影得合照

典知呀媽唔係幾滿意仲係都唔收手,我唯有係婆婆屋企大叫起黎

Hello大家好我叫妹妹，係一個１６歲既婆婆黎，因為我患有瘤，所以好小出街街架，呢晚佢地番黎食飯，仲話一陣帯我落街散步，所以我好開心呀，一於成晚跟住佢地！

而我呢食飽飯之後，梗係要去搵我個飯後果啦，婆婆，有無果果食呀？

婆婆掛字睇大結局唔so我，唯有向公公進發啦

我落足本架，你地睇吓我又比手，又洗出摩打尾，終於公公都比我攻陷左啦

飲飽食醉都係時候要返歸啦，妹妹你都要努力加油呀！好小見你咁開心，雖然呢晚凍得滯婆婆唔比你落街，好快我地就會偷運你出黎一齊玩吓架啦