中秋，追月夜!

今年既中秋夜我同Ah Faye去左BB蕉呀，呢個小BB從未見過咁多人，所以佢都表現得好興奮呀

呢樹只係一個角落渣，真係幾熱鬧噃

大人係樹燒雞奕，狗地咪坐係樹傾吓計囉

哼！我都無佢咁好戲啦，睇吓爸爸隻雞奕燒好未先

吓！唔係掛，唔通連個天都唔鍾意我

o係大家都努力燒緊雞奕既時候，我同Ah Faye都見到．．．．

月光呀，係八月十五既月光呀

時間過得真係快喇，大家都睇見我頭髮都亂晒既時候就知道我要入袋返歸啦

第二日追月夜如常咁去街街食飯番黎，咦，我望住個碟數黎數去．．．．

唔通我既數學真係差左咁多．唔係好似呀，直情係欠左我一個月餅呀

我的小工人.

今晚我又如常咁聽到爸爸打電話來,所以以時速9分秒9準備入袋,等我肥媽揸車車去接爸爸食飯喇

典知個懶鬼接到電話後仲慢吞吞,我唯有捱吓義氣幫幫口啦

成日都揸住個盒仔係樹左閃右閃,真係睇見到煩呀

係都要我o係樹大呼小叫

佢至知驚既！我要出門口啦，再見

真係搵食艱難！

今晚得番我同呀媽”撐檯角”嘩！仲有我最愛既蜜糖雞奕

林Bebe: 你攪咁耐，我唔等你呀，我唔客氣啦．

典知開心既時間過得特別快，唔使半分鐘佢就將我遺棄左係地下啦

Be媽：唔好意思喎，呢個係我個晚餐同聽日既午餐，唔該你去番你張檯食番你既野啦．呢樹唔係餐廳唔使你等位架．

我當然唔會被呢三言兩語打低我既士氣啦，一於２仔底．．．死跟囉

而我亦都由非常雀躍，等等等．．．．

繼續剎熟

頭等等等．．．

直至茅晒心雞貢托住

頭等等等，最後佢連雞皮都唔比我食呀

好悶呀！！！

平時每晚都會帯埋我去街街食飯飯架，因為婆婆今日生日，兩老自己走去同婆婆慶祝，所以我咪擺出呢副貢悶既面色過佢地睇囉

點知佢兩個仲唔知掟，係咁舉機聊我噃，咁我咪使出絕招好似冤魂咁痴實佢地囉，你地睇吓我個樣幾悶

而我既絕招終於打動到兩位喇，佢地決定同我玩咬公仔遊戲，我梗係奉陪到底啦

典知玩左無耐，你地睇見無呀，得番我一狗自己咬咬咬，而兩老梗係目不轉睛貢睇電視啦

最後我連番貢流露出眼神功勢，都係徒勞無功

咁我都唔玩啦，大家一齊過黎影張合照罷啦，我都係早d抖好過