今個星期六契姐姐下午就帯左我去suki姐姐度剪毛毛,之後同媽咪番黎既時候經已係夜晚,我等等吓都等到發左毛,咪唯有金精火眼昅實個門口囉
接我既人未黎,不過竟然撞到朋友仔----吉吉,包包
就係佢兩兄妹啦,原來哥哥係跟媽咪多d架,反而妹妹就自己到處行
無論吉包媽坐定係企係度,兩兄妹都好似G4保鑣貢貼實
直至大家有所發現, 咦吉吉望緊咩呢
之唔係我既妹妹蜘蛛faye囉哦,原來姐姐帯埋faye faye黎接我走.
因為妹妹病左,所以無得落地地同狗地玩
玩左一陣我個肚仔打起鼓黎,走去同吉吉包包講再見,之後就同faye faye去食飯啦
呢個係未食藥前好開心既faye faye
食飯飯中途,我爸爸幫手喂faye faye食藥,食完藥之後佢就擺出呢副咁不滿既樣啦
狗地晒完太陽之後，就到左今日既戲肉啦,由於到游水既時侯兩老發現記憶卡已滿,所以唯有慳住影,好多珍貴片段都未能盡影
BeBe :幣！肥媽幫我帯漏左件”比d妮”添.
Be媽：快d手，唔好係樹整色整水攪咁多野啦．
（反左利既BeBe） : 唓，游咪游囉，好叻咩．
開始既時侯唔係好記得典游，所以落左拖帯游，但好快已經可以自己游喇
得番個頭仔，我似唔似遇溺咁呀
話咁好就到站啦，你地睇吓我一d都唔驚架，幾淡定
上左水之後就諗吓有咩辦法可以逃走先得
狗地都未warm up就掉我落水，飲池水都飲飽啦，仲飲都唔知有無搞錯架
薯Don及muimui游得幾叻幾開心，完全唔使家長們粗心
大家有無發現呀，原來我係游唔到直線架，可能呢排坐得我傻媽手車多，影響左我判斷直線既能力
睇吓方力cash游得幾好，唔．．．我都要比d心雞至得
不停咁游呀游，我都唔知自己游左幾多個塘呀
睇吓我條定風尾，不停咁打卷喎
點呀，我呢個泳姿係咪都幾優美呢
Be媽：做咩貢嬲呀，傻be頭？
BeBe : 哼！都唔知點執野，又無帯”比d妮”就連梳都唔記得帯，你睇我個頭，亂晒喇
開心又愉快既８１９就係咁曲終狗散喇，各位朋友仔下次見啦
以下就係當日既片段,記得睇埋先走呀
旦sir也跳欄 ------ http://hk.video.yahoo.com/video/video.html?id=255521
be頭漫步遇著大隻佬------ http://hk.video.yahoo.com/video/video.html?id=255525
Ah Be漫步都病發 ------- http://hk.video.yahoo.com/video/video.html?id=255523
Ah Be拖帯游 ------- http://hk.video.yahoo.com/video/video.html?id=250184
fing水既Ah Be ------- http://hk.video.yahoo.com/video/video.html?id=255529
Ah Be成功游 ------- http://hk.video.yahoo.com/video/video.html?id=255528
