點呀,大家覺得我個＜Cool肚臍＞眼鏡靚嗎？無錯我一早起左身，攞齊行李準備去同陽光玩遊戲嘛
點知佢兩個係我試眼鏡既時候偷偷地溜走左，依！唔係同我去游水水咩，喂．．．等埋呀．．．
大半日後．．．
兩個一秋二lung咁嘻哈大笑番黎，無口齒又話天氣熱，同我消消暑，點知自己游完水仲去
行街街買野，難為我係屋企又熱又悶
肥媽：天氣熱我地諗住幫你消消暑，咪出去換部小風扇比你囉．無人話同你游水水呀，
爸爸話費事你又中暑喎．
（這貪得無厭既小狗試用後）：唔係好夠涷喎，又無慳電功能．．．．
下刪三百字
你地睇下呢舊野，我仲高過佢，究竟信唔信得過架．
（沒好氣既肥媽）個風扇係為左你呢d矮得得而設架，你唔用就算吧啦，我整埋d甜品先．
今晚既晚飯係kfc
飯後甜品係呢d鮮果果涷．
可惜，乜都無我份，可憐既我只係得把風扇喳．
好唔開心呀．．．
星期六晚媽咪話請食晚飯, 聽講話慶祝下買左架新車車比我, 所以我一早就入定袋袋等出發lu.
呀，唔知我架車車有無阿旺個部貢有型呢，真係急死狗喇．
１５分鐘後．．．．
行得未呀，我．．我個肚仔響晒呔喇
這肥媽只係慢吞吞地左汁汁右汁汁，食飯飯唧我仲以為我地要搬家，使唔使帯貢多野呀？
咩唔係買左部車車比我？我個部無咁大架同埋得三個碌好．．型架喎
既然第一個項目失敗左，我唯有發力向前行，其望第二個項目會令我開心番啦
終於到啦，我同爸爸付責坐坐，媽咪你去搵位先啦
有位喇，呢個海鮮吧黎架，佢地揀左海鮮之後就可以比隔離個叔叔燒熟佢．
好．．．好香呀
乜咁耐仲未有野食架？
都係哩係檯底抖下先
有喇，有喇．呢個係炭燒大蝦呀．
呢個係泰式燒尤魚．d汁好．．辣辣呀．
印度咖哩
印度烤餅．
咸魚炒芥蘭．
香芋肉鬆蝦干焗飯．唔錯唔錯．
嘩！你地睇下隻蝦仲大過我個頭呀．
都係坐定定扮乖，等媽咪剪好晒先．
苗準位置一啖咬落去，偷襲成功．Yeah...
我又被捕啦，大蝦即時離我遠去．
(辣到面容扭曲的Bibi) 你．．你地好陰毒呀，竟然係大蝦身上落毒
最後仲有甜品，但這小狗經已投降，不停在飲水水．
食飽飽緊係第一時間回程歸家喇，但這肥媽好似驚我唔死咁，
明知我怕高，下面仲要係海黎架，唯有快ｄ影完佢，但係我有我堅持，我係唔會笑既．
終於安全到步，因為回程既時候由我肥媽做司機，驚驚．．
雖然我仲未完我做車主既夢，但係有左大車車後，我就唔使成日哩係袋袋度，仲有
大蝦真係好陰尾（Ｙｕｍｍｙ）好喇我都要洗白白喇，聽講明早好似要去游水水，要早d訓义足電先．
